Австрија ќе се залага за укинување на летното сметање на времето

Министерот за инфраструктура и сообраќај на Австрија Норберт Хофер најавува дека за време на претседателството на неговата земја со ЕУ ќе се заложи з аукинување на промената на времето од зимско на летно. Тој додава дека за таа теме веќе разговарале со европскиот комесар за сообраќај Виолет Булц.

До 18. август граѓаните на ЕУ можат преку електронско истражување на мислењето да се изјаснат за тоа дали сакаат да ја задржат промената на времето или треба да се укине таа пракса. Европската комисија моментално го разгледува барањето за укинување на промената на времето.

Хофер најавува дека ако постои мнозинство за укинување, масовно ќе се залага да се прекине праксата за промена на времето. Тој веќе подолго време бара да се укине таа пракса.

– Постојат резултати од истражувања за негативните последици врз здравјето. Заштетада на енергијата со поместување на стрелките беше премала. Со таа промена на време се отежнуваат работните активности и договорите за транспорт, убеден е Хофер.