Од 1 август Австрија го укинува карантинот за лицата заразени со корона вирусот.
Loading...
Тие повеќе нема да мора да се самоизолираат, ќе можат слободно да се движат со задолжително носење FFP2 маска и одржување на растојание од два метри.
Тие ќе можат да одат на работа, да се возат во јавен превоз и да одат на јавни места, но не и во болници, старечки домови, градинки и училишта.
Одлуката останува во сила до крајот на октомври. Одлуката е донесена земајќи го предвид психолошкото и социјалното влијание на пандемијата, изјави австрискиот министер за здравство Јоханес Рауч.
Во Австрија, каде наесен се очекува нов бран на коронавирус, укинувањето на карантинот наиде на бројни критики.