Во организација на Националната установа Музеј – Куманово на 25 ноември 2019 година во 19:30 часот, во Уметничката галерија во Куманово ќе биде отворена изложбата „АртМемориам“.
Изложбата е посветена на творештвото на најстарата генерација кумановски сликари: Трајко Муфтински, Кирил Караџа, Добри Трендафиловски – Добрин, Трајче Јанчевски, Драгутин Аврамовски – Гуте, Момчило Аврамовски, Верољуб Станковиќ, Тане Атанасовски – Гарски, Владимир Величковски – Кумановски, Момчило Петровски – Моцо, Иван Оцепек и Реџаи Исени.
– Некои од нив имаа активна и водечка улога во одвивањето на одделни текови во современата македонска ликовна уметност. Оваа генерација ги втемелуваше актуелните и доминантни тенденции поврзани соапстрактно/енформелскиот израз, органската апстракција и апстрактниот експресионизам, одделните видови на надреализмот и новата фигурација, одликите на магичниот реализам, нои одблесоците од кубизмот и експресионизмот, велат од кумановскиот музеј.
На изложбата ќе бидат поставени по неколку дела од секој уметник, а на отворањетоќе биде претставена и книга за нивното творештвото со критички осврт кон секој автор поединечно со текст од Гоце Божурски – историчар на уметност и сликар, на кого, годинаваова му е веќе трета книга од оваа област.