Бразилската полиција неодамна уапси пет лица – четворица воени офицери и еден полицаец – обвинети за заговор за државен удар во Бразил по претседателските избори во 2022 година.
Осомничените се исто така поврзани со плановите за атентат на претседателот Луис Инасио Лула да Силва, потпретседателот Гералдо Алкмин и судијата на Врховниот суд Александре де Мораес.
Полициската истрага, одобрена од судијата Де Мораес, откри дека во заговорот бил вклучен воен персонал обучен во специјалните сили на армијата, како и пензиониран висок функционер.
Според информациите објавени од бразилските медиуми, тие планирале преку насилни акции да ги спречат демократски избраните власти и да ги поткопаат институциите на бразилската демократија.
Судијата Александре де Мораес, кој го надгледува случајот, рече дека „акциите на пучистите“ имале за цел да ја спречат инаугурацијата на новиот претседател Луис Инасио Лулу да Силва, кој беше избран на изборите во октомври 2022 година.
Исто така, нивната цел била „да го поткопаат слободното практикување на демократијата и авторитетот на бразилското правосудство“.
Де Мораес нагласи дека овие активности кулминирале меѓу ноември и декември 2022 година, кога заговорниците се подготвувале да извршат државен удар.
Истрагата укажа дека плановите на пучистите вклучувале организирање на насилни протести и субверзивни акции кои би доведоа до насилно соборување на новоизбраната влада и нарушување на политичкиот систем.
Меѓу уапсените има и припадници на војската, што укажува на можноста за воени структури кои биле вклучени во обидот за дестабилизација на бразилската политичка сцена.
Бразил е политички поларизиран во времето по изборите во 2022 година, на кои Луис Инасио Лула да Силва го победи актуелниот претседател Жаир Болсонаро.
Иако изборите беа регуларни и признати од поголемиот дел од меѓународната заедница, опозицијата и дел од поддржувачите на Болсонаро не ги прифатија резултатите, што создаде тензии во земјата.
Обвинувањата доаѓаат додека Бразил се обидува да ја стабилизира својата политичка ситуација по турбулентните избори.
Се сомневаат и во обидот за дестабилизација на новиот претседател, кој е на функција од јануари 2023 година.
Генерално, апсењата предизвикаа големо внимание и покренаа нови прашања за безбедносната и политичката ситуација во Бразил, како и за улогите на воените и полициските структури во политичките кризи.