Перуанските археолози открија околу 30 гробови од времето на Инките на гробиштата кои припаѓаат на народот Чанкај, група која ги населувала долините на централниот брег на Перу од 1000 до 1500 година.
Новооткриените гробови стари 800 години им овозможија на експертите да научат повеќе за малку проучената култура на Чанкај, изјави за Ројтерс Питер Ван Дален, археолог од Универзитетот во Сан Маркос.
Некои гробови пронајдени на длабочина до пет метри под земја припаѓале на елитата Чанкај
Археолозите од Универзитетот во Сан Маркос работат на гробница која припаѓа на предколумбиската култура на Чанкај.
„Во последната година откривме повеќе од 2.000 погребувања на различни гробишта од културата на Чанкај“, рече тој.
На телевизиските снимки, археолозите можеа да се видат како чистат прашина од вазни со различни форми на гробиштата.
Откриените гробници припаѓаат на луѓе од различни општествени класи, според Ван Дален, кој истакна дека некои се пронајдени и до пет метри под земја и припаѓаат на елитата на Чанкај.
фото: илустрација