Вредноста на главните американски берзански индекси е во пад пред денешното отворање на берзите во САД – Dow Jones се лизна на 35.282,52, како и S&P 500 – на 4.513,39, а Nasdaq – на 13.973,45.
Агенцијата Fitch Ratings во вторникот го намали кредитниот рејтинг на Соединетите Американски Држави, од највисокото ниво со ААА за една оценка, на ниво АА+, што значително се одрази на падот на берзанските индекси во Америка, но и во Европа.
Индексот DAX на Франкфуртската берза денеска во 10:00 часот падна на 15.816,55, исто како и лондонскиот FTSE 100 – на 7.448,80, а францускиот CAC 40 – на 7.217,14.
Московскиот MOEX се лизна на 3.103,24.
Според податоците на берзата, цената на суровата нафта паднала на 79,260 долари за барел, исто како и цената на нафтата од типот Брент, на 82,237 долари.
Европските фјучерси на гас се продаваа денеска на отворањето на берзата ТТФ по цена од 28,765 евра за мегават-час.
Цената на златото скокна на 1.936,68 долари за унца, како и цената на пченицата, на 64.366 долари за бушел (бушел е еднаков на 27.216 кг).
Вредноста на еврото во однос на доларот изнесуваше 1,09171, што е приближно исто како и вчера.