Акциите на компанијата Амазон пораснаа за повеќе од три отсто на вчерашното тргување на берзата, со што пазарната вредност на американската компанија за прв пат ја надмина сумата од два трилиони долари.
Технолошкиот гигант на тој начин им се придружи на компаниите како Nvidia, Apple, Alphabet и Microsoft, кои вредат два или повеќе трилиони долари, објави CNN (CNBC).
Акциите на Амазон пораснаа за околу 26 отсто оваа година, а во април компанијата објави заработка во првиот квартал што покажа дека нејзиниот бизнис со веб-услуги на Амазон (AWS) продолжи да закрепнува од неодамнешното забавување на растот предизвикано од бизнисите кои ја намалуваат потрошувачката на споменатите услуги.
Скокот на акциите на Амазон беше делумно поттикнат од неодамнешната иницијатива на компанијата за намалување на трошоците, како и од претходните отпуштања на повеќе од 27.000 вработени, што поттикна раст на заработката во последните квартали.
Директорите на технолошкиот гигант исто така зборуваа за тоа како AWS може да има корист од порастот на побарувачката за генеративни услуги за вештачка интелигенција.
На Амазон му требаа повеќе од четири години да ја премине границата од 2 трилиони долари, а нејзината пазарна капитализација достигна 1 трилион долари во 2020 година.