Денес, Парламентот на Албанија усвои резолуција со која Иранската револуционерна гарда ја прогласи за терористичка организација.
Во резолуцијата се наведува дека Иран е земја што спонзорира тероризам, пренесува АП.
Владејачката Социјалистичка партија изјави дека целта на резолуцијата е да се осуди државната поддршка на тероризмот и употребата на хибридни тактики за дестабилизација, вклучително и сајбер напади врз суверените институции.
Беше наведено дека ова не е „далечен геополитички проблем“ за Албанија, бидејќи таа беше цел на сајбер напад.
Тирана го обвини Техеран дека е одговорен за сајбер нападите во 2022 година што го нарушија информацискиот систем на Владата на Албанија.
Се тврдеше дека нападот веројатно бил одмазда против Албанија за тоа што била домаќин на членови на иранската опозициска организација.
После тоа, Тирана ги прекина дипломатските односи со Техеран.