За време на полната Месечина, многу луѓе се жалат на несоница, немир, емоционална раздразливост. Верувајте, оваа полна месечина во Скропија ќе го донесе сето тоа, но двојно повеќе и поинтензивно.
Полната Месечина, овој пат во Скорпија, е на 7-ми степен, степен на партнерство, рамнотежа и еднаквост.
Она што е интересно е дека секоја полна Месечина создава „плима“ во нас, така што сè што е негативно, сè што не ни треба, сите тие тензии и непријатности, сомнежи, стравови, тага, сè излегува на површина.
Ако полната Месечина нѐ вознемирува, тоа значи дека не сме во мир со самите себе. Скорпијата, фиксниот воден знак на моќ, пари и трансформација, ја контролира енергијата на овој месец, што значи дека ќе бидеме повикани да погледнеме во себе и интензивно ги испитаме овие области од нашите животи.
Клучниот збор на оваа полна Месечина ќе биде трансформација.
Трансформација на емоции, емоционални односи. Преиспитување на себеси и другите. Тоа ќе донесе со себе една тешка пасивна енергија. Енергија што ќе нè сруши за да разбереме што и на кој начин треба да промениме, односно да се трансформираме.
Внатрешните дилеми ќе мора да се решат. Ќе сакаме да го испуштиме она што не е во ред во животот, со цел да оставиме простор за подобри работи. Скорпијата управува со сè што чуваме длабоко во себе.
Ние се криеме од себе и од другите. Значи, ако имате нешто што ви пречи, тогаш е време да ја отворите душата пред некој во кого имате огромна доверба “.
Оваа полна Месечина во Скорпија може да предизвика неочекувани настани, промени во расположението и импулсивни реакции кај нас. Сите овие работи можат да предизвикаат анксиозност, нервоза, вознемиреност, емоционална несигурност и раздразливост кај нас.
Задачата на секој од нас ќе биде да ги балансира своите емоции, да ги прифати, а не да ги негира. Да научат да ги балансираат работите и да разберат дека истите работи можат да се менуваат и трансформираат.
Нумеролошки, нашиот ден ќе биде на број осум. Нагласена енергија на страст, засилена сексуална енергија, груби зборови, комуникација од која сјаат искри.