Акциите на Боинг паднаа по падот на авионот во Индија

Акциите на производителот на авиони „Боинг“ (BA) паднаа во претпазарното тргување во САД откако авион на „Ер Индија“ со повеќе од 200 патници се урна во близина на аеродромот во западниот индиски град Ахмедабад.

Акциите на „Боинг“ паднаа за 7,8 проценти на 197,3 долари во претпазарното тргување.

Според „Флајтредар“, станува збор за „Боинг 787-8 Дримлајнер“. „Ер Индија“ соопшти дека летот бил на пат кон аеродромот „Гатвик“ во Обединетото Кралство, додека полициските службеници изјавија дека авионот се урнал во цивилна зона во близина на аеродромот.

Не беше веднаш јасно што го предизвикало падот.