Пронајдени скелети на праисториските Ромео и Јулија

Гроб стар 5.000 години пронајден е во подрачјето на Караганди, Казахстан, а во него се погребани праисториските Ромео и Јулија. Во непосредна близина на древниот љубовен пар, погребани се и два коњи, кои, според археолозите, биле жртвувани.

Покрај посмртните останки на мажот се наоѓаат метален бодеж и врв од стрела, а веднаш покрај него во иста положба е пронајден скелет на жена погребана со накит, вклучувајќи зелена нараквица украсена со полублагородни камења, пренесува Дејли Мејл.

Археологот, др. Игор Кукушкин рекол дека постојат некои нејаснотии во врска со односот, но и смртта на погребаниот пар.

Како што вели, таквите заеднички погребувања не биле реткост во тоа подрачје, но дека е прашање како другата личност се придружила.

Се поставува и прашањето дали биле маж и жена или одлучено е да станат љубовници по смртта, бидејќи починале во краток временски период, навел архиологот.

Досегашните истражувања покажале дека нема траги на насилна смрт, но потрврдено е дека коњите се убиени.