Произведувачот на познатата „Барбика“ отпушта илјадници луѓе

Американскиот произведувач на играчки „Мател“, познат по производството на барбики и автомобилчињата „хот вилс“, најави гасење на над 2.200 работни места.

Портпаролот на „Мател“ изјавил дека се гасат работните места претежно за вработените во администрацијата во нивните подржници ширум светот, за да компанијата оствари заштеда на трошоците од најмалку 650 милиони долари, пренесува агенцијата АП.

На операции досега дала 45.000 долари, сака да изгледа како Барбика (ФОТО)

„Мател“, со седиште во градот Ел Сегундо во Калифонија, има околу 28.000 вработени.

Акциите на компанијата паднале за девет отсто во продолженото тргување на берзата, на 14,85 долари, откако за време на регуларниот трговски ден ослабнале за еден процент.

Од компанијата пристигнуваат и други неповолни вести за лошите финансиски резултати во период април-јуни.

По 12 години и 17 операции: Трансексуалец потрошил милиони за да изгледа како барбика (фото)

Имено, компанијата во вториот квартал забележала губитон на 240,9 милиони долари, или 70 центи по акција. Губитокот, прилагоден на еднократните добивки и трошоци, изнесува 56 центи по акција, што е далеку над очекувањата на аналитичарите кои предвидувале негативен финансиски резултат од 32 центи по акција.

Приходот на „Мател“ паднал за 14 отсто на 840,7 милиони долари и исто така потфрлил во однос на прогнозите на аналитичарите кои очекувале дека ќе достигне 863,1 милиони долари.

Сепак, во набљудуваното тримесечје имало и светли точки, со оглед дека е забележан раст на продажбата на барбики и автомобичињата „хот вилс“ и покрај фактот што ланецот играчи „Toys R Us“ стави катанец на своите врати, наведува АП.