Билка која заменува кафе и помага при слабеење

Оваа билка сигурно сте ја виделе на полињата–расте како коров, а вниманието го привлекува со светло сина боја на цветот. Многумина денес не знаат дека не така одамна токму од цикорија се правеше вкусно бело кафе.

Цикоријата е многу здрава билка која со векови се користи како природен лек.

Ги ублажува проблемите со дигестивниот тракт, дури ја намалува и жиговината (киселините од желудникот), затоа што содржи инулин јак пробиотик.

Исто така, го намалува лошиот холестерол во крвта, па со тоа го намалува и ризикот од срцеви болести.

Има антивоспалителни својства кои делуваат на намалување на болките кај артритисот, а помага и при слабеење.

Оваа билка е добар седатив, па се препорачува на оние кои имаат проблеми со спиењето.

Воедно, е одличен извор на минерали и витамини, а содржи цинк, магнезиум, манган, калциум, железо, фолна киселина, калиум и витамините A, B6, C, E и K.

Како замена за кафе се користи коренот од цикорија, додека листовите се специјалитет во кујните ширум светот, иако вкусот им е доста горчлив.

Се користи во италијанската, шпанската, грчката и турската кујна. Во Италија најмногу се користи како додаток во тестенини, а во другите кујни главно со месо.