Сигурно јадете корнфлекс, но дали знаете која била неговата првична намена?

Еден од најпопуларните типови житарици кои редовно ги јадете за појадок сигурно се корнфлекс, но кога истиот бил направен има друга намена.

Изумителот на овие житарици кои се појавиле кон крајот на 19. век бил Џон Харви Келог. Првобитната намена на корнфлексот била кај луѓето да се сузбие потребата за самозадоволување.

Келог по професија бил лекар и познат како почитувач на целибатот, па така сметал дека сексот има негативно влијание врз мозокот, што го оправдува и фактот дека тој и неговата сопруга спиеле во различни соби, а сите нивни деца се посвоени.

Во својата книга „Old and Young: Embracing the Natural History and Hygiene of Organic Life“, Келог навел дел од штетните симптоми на мастурбацијата, како промена на расположението, лошо држење на телото, појава на акни, епилепсија, чукање на срцето и желба за зачинета храна.

Затоа го изумил корнфлексот за да наведените проблеми ги реши.