Активисти апелираат на нехуман третман на бездомните животни во кумановскиот стационар (ВОЗНЕМИРУВАЧКО)

Со слики на распаднати кучиња во стационарот за бездомни животни ВСЦ „Тодор Велков“ од Куманово, граѓани и активисти изразуваат сомненија дека условите во кои се наоѓаат бездомните животни  се во спротивност на одредбите од Законот за заштита и благосостојба на животните и Правилникот врз основа на овој закон.

Фотографиите од стационарот (дел од нив со вознемирувачка содржина) ги објавија од иницијативата за заштита на правата на животните „Кане Корзо“, заедно со преставка до Агенцијата за храна и ветеринарство која ја добиле од граѓанин. Тие бараат од надлежните институции да направат увид и вонредна контрола во работењето на фирмата во чија сопственост е прифатилиштето.

Извор: РАДИО МОФ