Вечер на инспиративни спортски приказни во Куманово

Сподели со своите пријатели

На 13.12.2017та, во организација на Здружението за унапредување на меѓусебната доверба ТАКТ, по втор пат се случи Вечер на инспиративни спортски приказни.

Во Занаетчискиот дом во Куманово, а во соработка со Општина Куманово и Фондацијата за култура и спорт од Куманово се собраа истакнати кумановски спортистки, кои во македонската јавност се познати по своите значајни резултати. Тие ги споделија своите лични и инспиративни приказни за издржливоста и храброста во надминување на предизвиците и бариерите со кои се соочиле во текот на градењето на своите спортски кариери. Исто така, на помладите генерации им порачаа да се занимаваат со спорт, професионално или рекреативно, бидејќи спортот е алатка преку која ќе се изградат во цврсти и успешни личности и ќе се стекнат со позитивни особини кои ќе им служат во текот на целиот живот. Овој настан е втор од ваков тип и беше организиран после првиот успешен настан во Битола.

 

Loading...

 

Имавме чест и задоволство да ги слушнеме:

Анита Величковска (Велосипедизам)

Матеја Ефремовска (Атлетика)

Наташа Младеновска-Ѓорѓевич (Ракомет).

Извршната директорка на ТАКТ Магдалена Спасовска, по потекло од Куманово, истакна дека родовата еднаквост во спортот значи еднакви права за мажите и жените спортистки, како и еднаква и рамноправа застапеност на високи и истакнати позиции во спортската индустрија.

 

 

Настанот е дел од проектот “Жени лидерки во спортската индустрија” поддржан од Амбасадата на Франција во Македонија.