За настаните од 27 април одговорност мора да има, но одговорноста не смее да се генерализира, мора да се почитуваат човековите права и презумпцијата на невиност, и да се внимава на квалификациите на кривичните дела, изјави во вечерашното обраќање до јавноста претседателот на Република Македонија Ѓорѓе Иванов.
– Ја поддржував и ја подржувам иницијативата „За заедничка Македонија“. Учесниците во неа, граѓаните, сплотени ја демонстрираа идејата за заедништво и тие не смеат да бидат третирани како терористичко здружение. Со реваншизам и со демонстрација на сила се генерира поларизација. Повикувам на разум и одговорност на надлежните институции кои мора да го почитуваат Уставот и законите. Граѓаните очекуваат решенија, а не проблеми, истакна Иванов.
Според него, со реваншизам и демонстрација на сила се генерализира поларизација на општеството, состојба со која не можеме да постигнеме напредок во евро-атлантските процеси.
Иванов истакна дека граѓаните на Република Македонија очекуваат решенија, а не проблеми, очекуваат благосостојба и просперитет, и оти нема ништо, како што кажа, „потрагично и поопасно од меѓумакедонски судир“.
Извор: МИА