Градоначалникот Дамјановски во посета на ИВЗ (видео)

Градоначалникот на Општина Куманово, Зоран Дамјановски денеска оствари посета на Исламската верска заедница во Куманово, каде заедно со советниците Фериз Дервиши и Ридван Рамадани го честиташе празникот Рамазан Бајрам.

Празникот симболизира солидарност кон сиромашните, толеранција и разбирање. Работевме во изминатите 10 години многу на подигање на граѓанската свест и кај едната и кај другата вероисповест, направивме граѓанско општество, кое се надевам дека ќе го надоградиме уште повеќе – изјави Дамјановски.

Дамјановски истакна дека со куановското муфтиство, локалната самоуправа има одлична соработка во градење соживот во Куманово.

Муфтијата Абедин Имери им се заблагодари на посетата, срдечно ги угости, а воедно на сите граѓани од исламската вероисповед им го честиташе празникот.