Вчеравечер околу 10.00 часот во Скопје, во подземните гаражи кај очната клиника „Санте плус“, целосно изгорело патничко моторно возило марка “Југо“ со кумановски регистарски ознаки, сопственост на С.В. (37) од Скопје, информираат од Министерството за внатрешни работи.
Возилото се запалило при обидот сопственикот да го стартува со туркање во подземните гаражи. Пожарот е изгаснат од страна на екипа на Бригадата за противпожарна заштита. С.В. заедно со сопругата се јавиле на лекарски преглед во Клиника за токсикологија, бидејќи при обидот да го изгаснат пожарот вдишиле поголема количина чад.
Се преземаат мерки за утврдување на причините за настанување на пожарот.
фото: архива