Ликовна изложба на на уметниците од Куманово вчеравечер во Уметничката галерија свечено беше отворена од страна на првиот човек на градот и директорката на кумановскиот музеј, а по повод одбележувањето на Денот на градот.
Првата изложба на кумановските уметници е одржана во далечната 1956 година со мала група кумановци, а вечерва со мали прекини оваа манифестација прослави 60-ти роденден од која дел беа 27 уметници од Куманово.
Сите тие се од различни генерации, со различни ракописи, но она што го покажаа покажуваат дека ја следат авангардата на современото и модерното сликарство и сето тоа го пренесуваат на платно, така да ова вечерва се 27 дела од нивната овогодинешна работа, а со тоа потврдуваат дека од -56та година па до ден денес Куманово е значаен уметнички центар – изјави Анита Цветановска, директор на УЦ Музеј Куманово.
Делата се направени во неколку техники, а самата манифестација е поддржана од Министерството за култура на Република Македонија и Градоначаникот и Советот на Општина Куманово.
Тоа е врвот на ликовната уметност и врвот на Куманово, како што кажав најсветлата точка во Република Македонија и современата македонска ликовна уметност е токму Куманово и затоа ова е за почит, 60 години традиција на Друштво на ликовни уметници на Македонија, она што го прават и творат во текот на една година. Мене ми е задоволство да секоја година ова да го отворам и на некој начин презентирам она што е највредното од културата и уметноста во Куманово и во Македонија – изјави Зоран Дамјановски, градоначалник на Општина Куманово.
Голем број политиари од сите политички партии, љубители на уметноста на градот ја преполнија салата на кумановската уметничка галерија, а граѓаните и во следните денови ќе имаат можност да уживаат во изложените дела.
