Азиските пазари денес забележаа умерен раст во претпазливото тргување, при што некои берзи беа затворени за Велики петок.
Американската референтна нафта порасна за 11,4 проценти на 111,54 долари за барел, додека суровата нафта од Северното Море, меѓународниот стандард, порасна за 7,8 проценти на 109,03 долари за барел.
Иако Соединетите Американски Држави зависат во помала мера од увозот на нафта од Персискиот Залив, цените се формираат на глобалниот пазар, па растот влијае и на американската економија.
Во Азија, ситуацијата е поинаква, бидејќи одредени земји, како што е Јапонија, во голема мера зависат од транспортот на нафта преку Ормутскиот теснец, поради што би морале да бараат алтернативни патишта во случај на прекин, иако некои аналитичари сметаат на можен договор со Иран за непречен премин.
Јапонскиот индекс Nikkei 225 порасна за 0,9 проценти, на 52.938,62 поени, додека јужнокорејскиот Kospi доби 2,1 процент, на 5.344,41 поени. Во исто време, шангајскиот композитниот индекс падна за 0,5 проценти, на 3.899,57 поени, објави Associated Press (AP).
Тргувањето беше прекинато во Хонг Конг, Сингапур, Австралија, Нов Зеланд, Филипините, Индонезија и Индија поради празниците.
На Волстрит, каде што денес нема тргување, индексот ја заврши својата прва недела на раст од почетокот на војната со Иран, и покрај почетниот пад предизвикан од скокот на цените на нафтата.