Пред неколку дена, Италија одби да им даде дозвола на САД да ја користат воздухопловната база Сигонела на Сицилија, соопштија информирани извори, потврдувајќи го извештајот на весникот „Ил Кориере дела Сера“.
Министерот за одбрана Гвидо Кросето донел таква одлука откако италијанските власти дознале за планот за лет на неколку американски авиони, кој вклучувал слетување во Сигонела, а потоа полетување кон Блискиот Исток, според извори, пренесува АНСА.
Според нив, претходно не е поднесено барање за одобрување и не се одржани консултации со италијанската армија.
Изворите додаваат дека планот бил доставен до италијанските власти додека авионите веќе биле во воздух и дека последователните проверки покажале дека тоа не биле нормални или логистички летови, поради што не биле опфатени со договорот меѓу САД и Италија за користење на бази на италијанска територија.
По почетокот на војната во Иран, премиерката Џорџа Мелони и министерот Кросето изјавија дека САД можат да продолжат да ги користат своите бази во Италија за редовни операции, во согласност со билатералниот договор, но дека секоја употреба надвор од таа рамка мора да биде одобрена од парламентот.