Три лица од Штип биле приведени затоа што во возилото имале наркотици, а возачот имал активна забрана за управување возило.
– На 18.03.2026 во 17:00 часот, полициски службеници од СВР Куманово ги лишиле од слобода В.В.(34), Р.М.(30) и В.Ј.(22), сите од Штип, информираат од Секторот за внатрешни работи.
Како што додаваат од полицијата, при преглед на патничко моторно возило „ауди“, во кое се превезувале, биле пронајдени и одземени марихуана и бела прашкаста материја.
– По преземени мерки било утврдено дека возачот Р.М. има активна забрана за управување возило од Б категорија, велат од полицијата.
Тие биле приведени во полициска станица, а како што стои во соопштението, по целосно документирање на случајот против нив ќе следуваат соодветни пријави.
Никола Ивановски