Во текот на ноќта, претседателот на Соединетите Американски Држави, Доналд Трамп, од Мар-а-Лаго го следеше развојот на воените операции во Иран, одржувајќи консултации со високи членови на неговиот тим за национална безбедност, соопшти денеска портпаролката на Белата куќа, Каролин Левит.
Соединетите Американски Држави започнаа, како што опиша Трамп, „големи борбени операции“ против Иран.
Трамп телефонски разговараше и со израелскиот премиер Бенјамин Нетанјаху додека беа во тек нападите. Израел, како што потврди Левит во објава на социјалните мрежи, извршил напади и врз Иран.
„Претседателот Трамп ја следеше ситуацијата во текот на ноќта од Мар-а-Лаго со членовите на неговиот тим за национална безбедност. Претседателот разговараше со премиерот Нетанјаху по телефон“, напиша Левит.
Левит рече дека пред нападот, државниот секретар Марко Рубио контактирал со раководството на Конгресот за да ги информира за операцијата.
„Рубио ги повика сите членови на таканаречената „Група од осум“ за да ги информира и можеше да контактира и да ги информира седум од осумте членови. Претседателот и неговиот тим за национална безбедност ќе продолжат внимателно да ја следат ситуацијата во текот на денот“, заклучи Левит.