Денес се очекуваат значителни целодневни прекини во јавниот превоз низ цела Германија поради националниот штрајк организиран од синдикатот Верди.
Се очекува автобусите, трамваите и метрото во многу општински транспортни компании да не сообраќаат.
Како што објавија претставниците на синдикатот Верди, штрајкот ќе се одржи во речиси сите 16 федерални покраини.
Според синдикатот, само Долна Саксонија првично нема да биде вклучена во штрајкот. За околу 5.000 вработени во јавниот превоз во Долна Саксонија, постои договор засега да не штрајкуваат.
Во меѓувреме, регионалните и приградските возови на железничкиот оператор Дојче Бан (ДБ) треба да сообраќаат без ограничувања, пренесува ДПА.