Напад со беспилотни летала предизвика пожар во магацин за нафта во западниот руски град Пенза во петок наутро, без жртви, изјави гувернерот на регионот.
Видеата на социјалните мрежи покажаа столб од пламен како се извива од складиште за нафта во источните предградија на Пенза, на околу 618 километри од линијата на фронтот.
Службениците не дадоа детали за потеклото на дроновите, но руското Министерство за одбрана соопшти дека нејзината воздушна одбрана пресретнала најмалку 12 украински дронови преку ноќ, вклучувајќи го и едното над регионот Пенза.
Украина, која за време на речиси четиригодишната војна ја нападна руската енергетска инфраструктура во обид да ги исцрпи воените финансии на земјата, не даде веднаш коментар.
– Околу четири часот наутро, напад со беспилотни летала предизвика пожар во магацин за нафта во Пенза. Според прелиминарните податоци, нема жртви или повредени – објави гувернерот Олег Мелниченко на Телеграм.
Релативно евтините украински дронови предизвикаа штета од милијарди долари на руските нафтени и гасни постројки.
Киев тврди дека нападите се само одмазда за руските напади врз сопствениот енергетски систем.
Руското бомбардирање на украинската енергетска мрежа во последните недели остави илјадници луѓе без греење и електрична енергија, пренесува АФП.
Multiple large fires are currently burning at the PenzaNefteProdukt Oil Depot in the Penza Oblast of Western Russia, over 325 miles to the southeast of Moscow, following a long-range drone attack tonight by Ukraine. pic.twitter.com/5C4P8hLu4w
— OSINTdefender (@sentdefender) January 23, 2026