Неколку земји ја прифатија поканата на американскиот претседател Доналд Трамп да се приклучат кон Одборот за мир, додека некои европски земји одбија да учествуваат, а многумина сè уште не одговориле, објави агенцијата АП.
Комитетот, со кој претседава Трамп, првично беше замислен како мала група светски лидери задолжени за надгледување на планот за примирје во Газа, но амбициите на администрацијата на Трамп се проширија, со покани до десетици земји и навестувања за идна улога како медијатори во конфликти.
Според претставници на Белата куќа, на кои се повикува АП, се очекува да се приклучат околу 30 земји, од околу 50 поканети.
Досега, поканата ја приватизираа: Аргентина, Ерменија, Азербејџан, Бахреин, Белорусија, Египет, Унгарија, Индонезија, Јордан, Казахстан, Косово, Мароко, Пакистан, Катар, Саудиска Арабија, Турција, Обединети Арапски Емирати, Узбекистан и Виетнам.
Франција, Норвешка, Словенија и Шведска одбија да учествуваат, барем засега.
Земји кои се поканети, но сè уште не одлучиле: Велика Британија, Камбоџа, Кина, Хрватска, Германија, Индија, Италија, извршното тело на Европската Унија, Парагвај, Русија, Сингапур и Украина.