Најбезбедните земји во светот за 2025 година, според Глобалниот индекс на мирот, остануваат мали и стабилни земји како Исланд со 400.000 жители и Ирска.
Годината во која се наоѓаме ќе биде запаметена како година на војна, трговски тензии и интензивна милитаризација.
Според податоците од Глобалниот индекс на мирот, бројот на државните конфликти е на највисоко ниво од Втората светска војна, а само оваа година избувнаа три нови конфликти.
Во ова опкружување, мирот се појавува како особено вредна стока, а неколку земји продолжуваат да го ставаат како апсолутен приоритет.
Глобалниот индекс на мирот го составува Институтот за економија и мир и се заснова на 23 индивидуални критериуми, кои го одразуваат нивото на безбедност и стабилност во секоја земја.
Меѓу критериумите се чувството на сигурност кај граѓаните, стапката на криминал, пристапот до оружје, внатрешните и меѓународните конфликти, степенот на милитаризација, како и влијанието на сето ова врз општеството и економијата.
Според Индексот, ова се петте најбезбедни земји годинава: Исланд, Ирска, Нов Зеланд, Австрија и Швајцарија. Во топ 10 се и Сингапур, Португалија, Данска, Словенија и Финска.
Македонија е на далечното 51. место, а извештајот покажува дека покажува дека граѓаните делумно чувствуваат присуство на криминал и несигурност во секојдневниот живот. но присуството на полицијата има солидно висока оценка, а стапката на убиства е ниска до умерена.
Од земјите во регионот полош индекс има Србија која ја дели 64та позиција со Замбија. Босна и Херцеговина го зазема 59. место, Хрватска е на високо 19. место. Бугарија го зазеде 29-то место, Црна Гора на 34-то, а Албанија 52то.
Од друга страна, на последното место на најбезбедни земји се најде Русија, која го зазеде 163. позиција, под Украина, Судан, Конго, Јемен и Авганистан.
Земјите кои со децении постојано се на врвот на индексот покажуваат, според податоците, придобивките од мирољубивите политики со текот на времето.
На врвот на листата, континуирано од 2008 година, е Исланд, кој бележи најдобри резултати во сите три клучни области на критериумите: безбедност и сигурност, тековни конфликти и степен на милитаризација.
Впрочем, годинава е забележано дополнително подобрување од 2 отсто, елемент што ја засилува сликата за особено ефикасно функционирање на државата.
И покрај често екстремните и опасни временски услови, исландското општество успева да одржи универзално чувство на сигурност.
На второ место е Ирска, земја која доживеа многу конфликти во текот на 20 век, но во последниве децении мирот и социјалната кохезија ги постави за свои централни приоритети.
Нискиот интензитет на конфликти, зајакнувањето на социјалната сигурност и систематската борба против криминалот се рефлектираат во неговата висока позиција на индексот.
Следуваат Нов Зеланд, Австрија, Швајцарија, Сингапур, Португалија, Данска и Словенија.
Заеднички именител за овие држави се стабилни и ефикасни институции, ниско ниво на насилство, дистанцирање од вооружени конфликти и постоење на силна држава на благосостојба.
Фактори кои се директно поврзани со висок квалитет на живот, чувство на сигурност и политичка стабилност.
Од друга страна, на дното на листата, титулата најмалку безбедна земја во светот за 2025 година ја понесе Русија.
Пред неа се Украина, Судан и Конго, земји кои се соочуваат со комбинација на интензивни внатрешни и меѓународни конфликти, високо ниво на милитаризација и сериозни социјални и хуманитарни кризи.
Насилството, нестабилноста, бегалските текови и раширените прекршувања на хуманитарните норми решително влијаат на нивната позиција на индексот.