Исламистички милитанти нападнаа пакистански воен конвој во близина на границата со Авганистан, при што убија 11 припадници на паравоените сили, соопштија извори утрово.
Бомби покрај патот го погодија конвојот пред голем број милитанти да отворат оган во северозападниот округ Курам, изјавија за Ројтерс петмина пакистански безбедносни претставници.
Пакистанските талибанци ја презедоа одговорноста за нападот и во изјава за Ројтерс изјавија дека нивните борци го нападнале конвојот.
Одделот за јавни работи на армијата не одговори на барањето за коментар.
Техрик-е-Талибан Пакистан, кој се стреми да ја собори владата и да воведе строга исламска власт, ги засилува нападите врз безбедносните сили во последните месеци.
Исламабад тврди дека милитантите го користат Авганистан за обука и планирање напади, што Кабул го негира.