Вкупно осум лица поднеле кандидатура за градоначалник на Куманово за претстојните локални избори кои ќе се одржат на 19 октомври.
Во меѓувреме бројот за поднесени советнички листи е скоро двојно поголем, односно има вкупно 14, информираше денеска Кристина Цветковска, претседател на Општинска изборна комисија Куманово.
– За овие локални избори вкупно за градоначалници поднесени листи има осум, од кои две листи се на независни, односно група избирачи. За советници се поднесени 14 листи, од кои исто две независни односно група избирачи, изјави таа.
Во трката за градоначалник на Куманово влегуваат:
– Максим Димитриевски, претседател на Движење ЗНАМ – За наша Македонија и актуелен прв човек на градот
– Мирослав Петковиќ – Левица
– Арбен Етеми – Коалиција ВЛЕН
– Мартин Костовски – СДСМ
– Виолета Арсовска – Коалиција Искуство з ауспех (ЛДП)
– Селвер Ајдини – Национална Алијанса за интеграција (НАИ),
– Горан Стојковски Диро – независен кандидат
– Нинослав Јакимовски – независен кандидат.
Вкупно 14 листи со кандидати за советници влегуваат во трката за 31 место во Советот на Општина Куманово:
– Движење ЗНАМ – За наша Македонија – носител Ивана Ѓорѓиевска
– Група избирачи Месут Бајрами – За Албанците од Куманово – носител Месту Бајрами
– ПП Левица – Виторио Зафировски
– Група избирачи Иван Петковски – носител Иван Петковски
– Коалиција ВЛЕН – носител Скендер Османи
– ВМРО – ДПМНЕ (Коалиција Твоја) – носител Владимир Михајловски
– Коалиција СДСМ – носител Томица Илиќ
– ПП Македонска Ера Трета/Македонски езависни листи – Суверенисти – носител Марјан Пешевски
– Коалиција Искуство за успех – носител Тома Глигоријевски
– МААК – носител Аца Јаневски
– Коалиција за зелена иднина – носител Сретен Стојковски
– ДПСМ – носител Иван Стоилковиќ
– НАИ – носител Блерим Исени
– Единствена Македонија – носител Сунчица Павлова
Во меѓувреме течат последните проверки пред ДИК да ги потврди нивните кандидатури.
Првиот круг за избор на градоначалници и членови на советите ќе се одржи на 19 октомври, додека вториот круг од изборите за градоначалници треба да се одржи на 2 ноември.
Никола Ивановски