Од ноќеска на полноќ се менуваат цените на горивата, согласно најновата одлука која денеска ја донесе Регулаторната комисија за енергетика.
Малопродажната вредност на бензините ЕУРОСУПЕР БС-95 и ЕУРОСУПЕР БС-98, на ЕУРОДИЗЕЛ (Д-ЕV), како и на Екстра лесното масло за домаќинство (ЕЛ-1), е зголемена за 1,00 денар по литар во споредба со нивото утврдено со претходната одлука за највисоки малопродажни цени од 01.09.2025 година.
Со оваа промена, ЕУРОСУПЕР БС-95 ќе се продава по 76,00 ден/лит, ЕУРОСУПЕР БС-98 по 78,00 ден/лит, ЕУРОДИЗЕЛ (Д-ЕV) по 69,50 ден/лит, а Екстра лесното масло за домаќинство (ЕЛ-1) по 69,00 ден/лит.
Истовремено, кај Мазутот М-1 НС е забележано намалување на цената за 1,245 ден/кг во однос на цената утврдена на 01.09.2025 година, така што новата малопродажна цена изнесува 37,148 ден/кг.