Под влијание на влажна и нестабилна воздушна маса, попладне, во текот на ноќта и утре претпладне времето ќе биде променливо облачно и нестабилно со локален пороен дожд и грмежи, информираат од Управата за хидрометеоролошки работи.
Наместа процесите ќе бидат поинтензивни во форма на невреме со пообилен пороен дожд за кратко време (над 20 l/m²), засилен ветер (над 60 km/h) и изолирана појава на град.
Во Куманово и околината денеска ќе имаме претежно облачно време со кратки сончеви периоди и услови за дожд во попладневните и вечерните часови.
Ќе дува слаб до умерено засилен ветер од јужен и југозападен правец.
Утринската температура ќе се движи околу 15 степени, додека максималната дневна се очекува да достигне 35 степени целзиусови.
Никола Ивановски