Неколку градови во западна Украина беа погодени утрово во голем руски напад со беспилотни летала и ракети, едно лице беше убиено во Лавов, а повеќе од десет лица беа повредени во регионот, објавија локалните власти.
Украинските воздухопловни сили објавија дека Русија користела 574 беспилотни летала и 40 ракети во ноќните напади врз земјата и дека собориле 546 беспилотни летала и 31 ракета.
Зеленски ги објави нападите.
„Синоќа, руската армија постави еден од своите луди антирекорди. Тие ги таргетираа објектите на цивилната инфраструктура, станбените згради и нашиот народ.
Неколку крстосувачки ракети беа испукани кон компанија во американска сопственост во Закарпатската област. Тоа беше обичен цивилен бизнис, поддржан од американски инвестиции, кој произведуваше секојдневни предмети како апарати за кафе. И сепак, и тоа беше цел за Русите. Тоа многу кажува. Пожарот во објектот сè уште се гаси. Досега, пријавени се 15 повредени лица во нападот – сите тие ја добија потребната помош.
Спасувачките служби работат и во многу други региони, од Запорожје до Волиње. Вкупно, 574 борбени беспилотни летала и 40 ракети беа лансирани во Украина во текот на ноќта. Значаен дел беше пресретнат, но, за жал, не сите.
И Русите го извршија овој напад како ништо да не се променило, како да немало глобални напори за запирање на оваа војна. Потребен е одговор. Сè уште нема сигнал од Москва дека навистина имаат намера да влезат во суштински преговори и да ја завршат оваа војна. Потребен е притисок. Силни санкции, силни царини даноци. Им благодарам на сите што помагаат“, напиша тој.
Last night, the Russian army set one of its insane anti-records. They targeted civilian infrastructure facilities, residential buildings, and our people.
Several cruise missiles were lobbed against an American-owned enterprise in Zakarpattia. It was a regular civilian business,… pic.twitter.com/CQLSQls4Oq
— Volodymyr Zelenskyy / Володимир Зеленський (@ZelenskyyUa) August 21, 2025