Противпожарните служби во Грција сè уште се борат со пожари во неколку делови од земјата, додека ситуацијата на фронтовите во Ахаја и Стратона постепено се подобрува.
Најкритична ситуација сè уште е на островот Хиос, каде што пожарот помеѓу селата Лептопод и Камбија е сè уште активен, објави јавниот сервис ЕРТ утрово.
Пожарот што избувна синоќа околу 20:30 часот во шумска област во Стратони, Халкидики, е делумно ставен под контрола и нема закана за станбените области, објави противпожарната служба.
Како што објави „Катимерини“, 60 пожарникари со 20 возила и три групи пешадиски единици беа мобилизирани за гаснење на пожарот.
Според извештајот на ЕРТ, ситуацијата во Ахаја во врска со пожарот во Балас е подобрена. Две апсења се извршени поради вчерашното повторно оживување на пожарите во областа.
Многу висок ризик од пожар е на сила денес во Атика, Пелопонез, Стереа, Тесалија, Централна Македонија, Источна Македонија и Тракија, Северен и Јужен Егеј, објавија локалните медиуми.
Greece is facing a severe wildfire crisis in 2025, with intense blazes ravaging multiple regions, including the island of Chios. The situation has been exacerbated by extreme heat, drought, and strong winds, creating highly dangerous fire conditions.
Chios, a popular tourist… pic.twitter.com/jcG7GrnSWc
— DisasterAlert (@DisasterAlert2) August 15, 2025