Најмалку четири лица ги загубија животите, а едно лице е исчезнато, во поплавите во централниот и западниот дел на Јужна Кореја предизвикани од неколкудневните обилни дождови, објави денес новинската агенција Јонхап.
Според истиот извор, 5.000 луѓе се евакуирани, а околу 270 куќи и 500 јавни згради се оштетени во поплавите. Агенцијата известува дека насипите попуштиле и дека патиштата се поплавени.
S. Korea faces worst flooding crisis since 2023 as extreme downpours devastate central and southern regions. Multiple deaths, thousands evacuated, transport paralysed, schools closed across provinces. Gov raises alert to highest level with dangerous rains forecast through Sat. pic.twitter.com/Vf45MG4yt1
— Raphael Rashid (@koryodynasty) July 17, 2025
Се предвидуваат уште обилни врнежи од дожд
За денес, Метеоролошката служба (KMA) најави уште пообилни врнежи од дожд во централниот и западниот дел на земјата.
Според KMA, објавува Korea Times, градот Сеосан, во источната покраина Јужен Чунгчеонг, примил повеќе од 400 мм дожд на квадратен метар во првата половина од денот.
Korea Times, повикувајќи се на владината агенција, ја опиша поплавата како катастрофа што се случува еднаш во еден век.