Обновена е најдолгата железничка линија во светот Москва-Пјонгјанг

Патнички воз од Пјонгјанг пристигна во Москва, со што повторно се воспостави најдолгата директна железничка линија во светот помеѓу главните градови на Северна Кореја и Русија по петгодишната суспензија поради пандемијата COVID-19.

Возот тргна од Пјонгјанг на 17 јуни и му требаа осум дена за да стигне до станицата Јарослав во Москва, објавува РИА „Новости“.

Возовите ќе сообраќаат двапати месечно, а билетите ќе бидат во продажба околу 60 дена пред поаѓањето.

Железничката линија помеѓу двата главни града е суспендирана од февруари 2020 година.

Редомот Пјонгјанг-Москва, долг повеќе од 10.000 километри, е најдолгата директна железничка линија во светот.