Ким Џонг Ун, кој е навикнат да надгледува лансирање балистички ракети и политички чистки, оваа недела го смени темпото и посети ново крајбрежно одморалиште со своето семејство – водечкиот проект на туристичката офанзива што еден ден би можела да вклучи странски туристи.
Ким, кој го замени својот препознатлив маоистички капут со темно одело, бела кошула и вратоврска во бојата на песокот на плажата Вонсан Калма, го нарече одморалиштето едно од најголемите достигнувања во годината, објави денес државната новинска агенција КЦНА.
Во придружба на неговата ќерка Ким Ју Aе, за која се верува дека е негова наследничка, и сопругата Ри Сол-ју, Ким седеше лежерно покрај базенот со цигари, ладен пијалок и пешкир во вторник, додека туристите трчаа по водните тобогани во позадина.
VIDEO: North Korea has opened the Wonsan Kalma beach resort more than seven years after construction began, with Kim Jong Un attending the ceremony alongside his wife Ri Sol Ju and daughter.https://t.co/7syjZhyZqI pic.twitter.com/nyYqFYyqLQ
— NK NEWS (@nknewsorg) June 26, 2025
„Проектот конечно стана голема реалност“
Ким и неговата ќерка, наводно едно од трите деца што ги има со Сол-ју, беа фотографирани и на плажа долга четири километри, опкружени со службени лица, додека хотелите може да се видат во далечината.
Одморалиштето, кое се наоѓа на источниот брег на земјата, има спортски и рекреативни објекти, како и комерцијални и јавни угостителски услуги, според KCNA.
Во исто време, Ким изрази верување дека „бранот на среќа што ќе се прошири низ крајбрежната туристичка област Вонсан Калма дополнително ќе го зајакне нејзиниот атрактивен имиџ како светскo туристичкo и културno одморалиште“.
Според агенцијата, властите се надеваат дека одморалиштето ќе привлекува 20.000 посетители годишно по отворањето на 1 јули.
Откако ја пресече лентата на церемонијата на отворањето, Ким рече дека по повеќе од една деценија работа и зголемени трошоци, проектот конечно станал „голема реалност“ и, како што вели тој, „ќе игра водечка улога во воспоставувањето на туристичката култура“ во Северна Кореја.
На странските туристи сè уште не им е дозволено да влезат
Но, на странските туристи кои се надеваат на одмор на плажа во севернокорејски стил ќе бидат разочарани – засега, Вонсан Калма ќе биде отворена само за локалното население бидејќи земјата постепено ги ублажува ограничувањата за странските посетители воведени за време на пандемијата.
Туризмот е сè уште забранет во пракса, иако на руските туристи им беше дозволено да посетат одредени делови од земјата како дел од групни тури.
Посетата на семејството Ким неизбежно предизвика шпекулации кај аналитичарите.
Јужнокорејските медиуми објавија дека Ри Сол-ју го направила своето прво јавно појавување по прославата на Нова Година во 2024 година.
Тие забележуваат дека таа носела чанта од Гучи, што би можело да биде прекршување на санкциите на ОН со кои се забранува извоз на луксузни стоки во Северна Кореја.
Ќерката на Ким, која има околу 12 години, редовно се појавува со него од крајот на 2022 година, што дополнително ги поттикнува шпекулациите дека таа е подготвувана за четврти член на династијата Ким и првата жена што ќе ја води Северна Кореја од основањето на земјата во 1948 година.