Три улици во кумановската населба Карпош се реконструирани, информираше денеска градоначалникот Максим Димитриевски.
Како што додаде тој станува збор за улиците „152“, „154“ и „155.
– Со секој успешно реализиран инфраструктурен проект, го подобруваме сообраќајот, безбедноста и целокупниот урбан изглед на градот. Продолжуваме со динамична реализација на годишната програма, со нови проекти во интерес на сите граѓани, вели Димитриевски.
Претходно беше асфалтирана и улицата „Никола Тесла“, поголем проект кој општината го реализира со Министерството за транспорт и Јавното претпријатие за државни патишта.
Во меѓувреме се тампонираше и пат во селото Горно Којнаре, додека активно се работи и на целосна реконструкција на улицата „Моша Пијаде“ во центарот на градот.
Никола Ивановски