Претседателот на Соединетите Американски Држави, Доналд Трамп, изјави дека би можел директно да преговара со кинескиот претседател Си Џинпинг за последните детали од трговскиот договор меѓу САД и Кина.
„Да, можам да го замислам тоа. Мислам, не сум сигурен дека ќе биде потребно“, изјави Трамп за „Фокс њуз“ во разговор снимен во понеделник за време на летот на Трамп со „Ер Форс Уан“ до Саудиска Арабија.
Трамп и бизнис делегација пристигнаа во Саудиска Арабија во вторник наутро, започнувајќи четиридневна турнеја низ Заливот.
По посетата на Ријад, Трамп во четврток ќе отпатува во Катар и Обединетите Арапски Емирати.
За време на „турнејата“, Трамп ја објави можноста за патување во Турција во четврток за да одржи директни разговори меѓу рускиот претседател Владимир Путин и украинскиот претседател Володимир Зеленски.
Посетата на Заливот е главно фокусирана на економски прашања, со очекувани најави за инвестиции кои би можеле да достигнат илјадници милијарди долари.
Веќе во јануари, Саудиска Арабија вети 600 милијарди долари инвестиции во САД во текот на следните четири години, додека Трамп планира да побара целата сума од 1 илјада милијарди долари.