Подметнат пожар во куќата на британскиот премиер

On:
Сподели со своите пријатели

21-годишен маж е уапсен под сомнение дека го запалил домот на британскиот премиер Кир Стармер во Северен Лондон.

Loading...

Полицијата се сомнева дека пожарот бил подметнат „со намера да се загрози животот“.

Метрополитенската полиција потврди дека осомничениот е уапсен во раните утрински часови и дека е во притвор.

 

 

ПРОЧИТАЈТЕ И:  Судењето за атентатот врз Фицo на почетокот на јули: Напаѓачот се соочува со доживотна казна затвор

Апсењето беше поврзано со три одделни пожари што се случија во северен Лондон во текот на изминатата недела: пожар на приватна адреса во Кентиш Таун, запалено возило и уште еден пожар на влезот во друга зграда.

Полицијата изјави дека бидејќи куќата била поврзана со добро позната јавна личност, антитерористичкиот оддел на Метрополитенската полиција ја презел истрагата.

Loading...

„Истрагата е во тек за да се утврди што го предизвикало пожарот“, соопшти полицијата.

„Сите три пожари во овој момент се третираат како сомнителни.“

 

 

ПРОЧИТАЈТЕ И:  Претседателот на Чешка закажа редовни парламентарни избори за 3 и 4 октомври

Иако Кир Стармер живее на Даунинг стрит како британски премиер, тој сè уште ја одржува својата приватна адреса во Северен Лондон.

Влезот во куќата бил оштетен, но никој не бил повреден, пренесува Индекс.

Еден од жителите на улицата изјавил дека слушнал силен тресок што звучел „како молотов коктел“.

Loading...

Портпаролот на Лондонската противпожарна бригада потврди дека биле повикани поради мал пожар пред куќа во Кентиш Таун во понеделник наутро.

Две противпожарни возила од локалната станица беа испратени на интервенција.

Кабинетот на премиерот соопшти дека Стармер е благодарен на службите за итни случаи за нивниот брз одговор, но дека поради истрагата, која е сè уште активна, не може да дава дополнителни коментари.

ПРОЧИТАЈТЕ И:  Стармер: Бројот на мигранти во Британија ќе се намали за околу 100.000 годишно