Утревечер хуманитарна изложба за Александар и Мартина

Околу 40 уметнички дела утревечер ќе бидат изложени во кумановскиот кафе бар „Револушн“ кои ќе бидат понудени на продажба на исте зиантересирани кои со купување на една од нив ќе донираат парични средства за лекувањето на Мартина и Александар.

Делата се на водителката Драгана Спасовска која на оваа идеја дошла со желба да им се помогне на дечињата за чие лекување се потребни 100 илјади евра, пари кои самите не можат да си ги обезбедат.

Освен тоа, кафе барот за сите присутни ќе обезбеди и добра забава со Ивона, Марко, Боки и DJ Guardian. Настанот ќе започне во 19 часот, а организаторот ве повикува да се забавувате и да бидете хумани.

Инаку можете да донирате и преку својот мобилен телефон, со еден повик донирајте 100 денари.