Унгарскиот премиер Виктор Орбан изјави денеска дека е неприфатливо Украина да го запре протокот на руски гас во Централна Европа бидејќи ги зголемила трошоците за алтернативните рути за снабдување.
Орбан за унгарското државно радио изјави дека поради зголемените цени на гасот, Унгарија бара гаранции од ЕУ во однос на нејзината енергетска безбедност, пренесе агенцијата МТИ.
Унгарскиот премиер рече дека економските податоци се подобруваат во светлината на изборната победа на американскиот претседател Доналд Трамп и „ерата на мирот“ што ќе следи по војната во Украина, за која рече дека е во завршна фаза.
Орбан рече дека победата на Трамп ќе има позитивно влијание врз зајакнувањето на унгарската економија оваа година.
Рускиот гас не тече низ Украина до земјите на Европската унија од 1-ви јануари, откако истече петгодишниот договор за снабдување.