Во центарот на Хаг денеска ќе се одржи протест на професори и студенти против плановите на холандската влада за значително намалување на буџетот за високото образование, а градоначалниците и универзитетите испратија отворено писмо до Владата како апел да се разгледа таа одлука.
Тие денеска побараа од премиерот Дик Шоф да не ги намалува трошоците за образование, велејќи дека таквата одлука „е во спротивност со целта на владата да го зајакне нашиот капацитет за заработка и повторно да ја направи земјата една од петте најконкурентни земји во светот“.
Истовремено, тие посочија дека намалувањето на буџетот ќе доведе до исчезнување на образовните институции, особено на стручните училишта, што значително ќе ја влоши врската меѓу образованието и пазарот на трудот, пишува „NL Times“.
И градоначалничката на Вагенинген, Флор Вермеулен, ја критикуваше одлуката на владата, која рече дека потегот ќе биде штетен за иднината на Холандија, нагласувајќи дека образованието е клучот за решавање на социјалните проблеми.
Министерот за образование Епо Бруинс претходно најави дека планира да ги намали субвенциите за образование и наука за 342 милиони евра, пренесува Танјуг.