Портпаролот на Кремљ Дмитри Песков денеска изјави дека специјалната телефонска линија, која беше воспоставена за комуникација меѓу Москва и Вашингтон по кубанската криза, во моментов не е во употреба.
„Имаме посебна безбедна линија за комуникација меѓу двајцата претседатели, Русија и САД. Дури и за видео комуникација“, изјави Песков за РИА Новости.
Песков тогаш, во изјава за новинарите, додаде дека линијата е во употреба.
Руските дипломати предупредуваат дека сегашната криза меѓу Москва и Вашингтон е споредлива со кубанската нуклеарна криза во 1962 година, пренесува Ројтерс.
Кремљ соопшти дека Русија го смета нуклеарното оружје за одвраќање и дека ажурираната нуклеарна доктрина на Москва има за цел да им ја разјасни на потенцијалните непријатели неизбежноста од одмазда доколку ја нападнат Русија, пренесува Танјуг.
Според извештаите, Москва ја разгледува употребата на ATACMS, ракетата со најдолг дострел што Вашингтон досега и ја испорача на Украина, што е јасен сигнал дека Западот сака да го ескалира конфликтот.
Откако светските медиуми во неделата објавија дека САД ја овластиле Украина да користи крстосувачки ракети со долг дострел ATACMS за напади длабоко во руска територија, руското Министерство за одбрана во вторникот објави дека украинските вооружени сили извршиле напад со шест балистички ракети ATACMS во регионот Брјанск претходната ноќ.