Руска балистичка ракета со касетно оружје погоди станбена зона во северниот украински град Суми, при што загинаа 11 лица, меѓу кои две деца, а 84 лица беа ранети, соопштија денеска официјални лица.
Loading...
Претходно, регионалното обвинителство објави дека осум лица, меѓу кои и едно дете, загинале во ракетен напад синоќа во Суми, а најмалку десет биле ранети.
Официјални лица денеска додадоа дека шест ранети деца се во критична состојба.
Во синоќешниот напад на Суми, кој е на 40 километри од руската граница, оштетени се 15 згради, меѓу кои и две училишта, соопшти регионалното обвинителство.
Акцијата за пребарување и спасување продолжува и денеска.
Главната цел на големиот руски напад во неделата беше енергетската инфраструктура на Украина.