Времето денеска низ Македонија ќе биде променливо облачно, во југозападните делови со врнежи од дожд, а на планините и на некои повисоки места од снег.
Ќе дува умерен, долж Повардарието засилен северен ветер, информираат од Управата за хидрометеоролошки работи.
Минималната температура ќе биде во интервал од 0 до 6, а максималната ќе достигне од 6 до 11 степени.
Во Куманово и околината денеска ќе имаме претежно сончево, но студено време со мала облачност.
Ќе дува умерен до умерено засилен ветер од северен правец.
Утринската темпрература ќе се движи околу нулата, додека максималната дневна се очекува да достигне три степени целзиусови.
Утре низ кумановско ќе имаме претежно сончево време со мала облачност и слаб до умерен северен ветер.
Температурата во утринските часови ќе се движи околу четири степени под нулата, а максималната дневна се очекува да достигне седум степени целзиусови.
Во недела ќе имаме сончево и нешто потопло време. Ќе дува слаб до умерен ветер од јужен правец.
Утринската температура ќе се движи околу еден степен под нулата, а максималната дневна се очекува да достигне 10 степени целзиусови.
Првиот дел од претстојната работна недела носи сонце и повисоки температури, а вториот дел од седмицата ќе донесе дожд.
Никола Ивановски