Времето денеска низ Македонија ќе биде сончево со мала локална облачност, информираат од Управата за хидрометеоролошки работи.
Ќе дува слаб до умерен ветер од северен правец, поизразен долж Повардарието.
Максималната температура ќе достигне од 14 до 21 степен.
Во Куманово и околината денеска ќе имаме сончево време со слаб до умерен ветер од северен правец.
Утринската температура ќе се движи околу еден степен под нулата, а максималната дневна се очекува да достигне 15 степени целзиусови.
Утре низ кумановско ќе имаме сончево време. Ќе дува слаб до умерен југоисточен ветер, а температурата ќе се движи во интервал од минимални 0 степени, до максимални 15.
Во среда ќе имаме променливо облачно време со слаб до умерен јужен и југозападен ветер. Температурата во утринските часови ќе се движи околу нулата, а максималната дневна ќе достигне повторно 15 степени целзиусови.
Сончево време ќе имаме и во четврток кога ќе дува слаб до умерен ветер од југ и југозапад. Температурата ќе се движи од минимални 1 до максимални 15 степени целзиусови.
Претежно сончево со мала облачност ќе биде времето во петок. Ќе дува слаб до умерен југозападен ветер, а температурата ќе се движи од минимални 0 до максимални 15 степени.
Во сабота ќе имаме сончево време со слаб до умерен ветер од северен и северозападен ветер. Утринската температура ќе се движи околу нулата, а максималната дневна ќе достигне 14 степени целзиусови.
Сончево време ќе имаме и во недела кога ќе дува слаб до умерен северен ветер. Температурата во утринските часови ќе се движи околу два степени, а дневниот максимум се очекува да достигне 12 степени целзиусови.
Слично време ќе се задржи и во текот на следната работна недела.
Никола Ивановски