Градоначалникот на Општина Куманови и претседател на Движење ЗНАМ – За наша Македонија Максим Димитриевски денеска го честиташе Денот на Македонската револуционерна борба.
Неговата честитка ви ја пренесуваме интегрално:
„На овој ден се потсетуваме на упорноста и истрајноста на нашите претци, на големата борба за слобода и независност на наша Македонија.
Македонската револуционерна борба е втемелена во секој од нас и треба да биде фактор и потсетник за националното обединување, а не причина за раздор и поделба на патриоти и предавници.
Затоа сега сите сплотени да продолжиме да чекориме по патот на нашите револуционери, да ги унапредиме сите општествени сфери и да обезбедиме подобар живот на сите граѓани.
Честит нека ни е денешниот ден – 23 Октомври, “Денот на македонската револуционерна борба” – напиша Димитриевски.
Никола Ивановски