Како одговор на потегот на Северна Кореја да урива делови од меѓукорејскиот пат, војската на Јужна Кореја денеска истрела предупредувачки истрели јужно од воената демаркациона линија што ги дели двете Кореи, соопшти Здружениот генералштаб на армијата на Јужна Кореја.
Откако вети дека ќе го прекине патниот и железничкиот сообраќај со Јужна Кореја, кои некогаш беа симболи на меѓукорејската соработка, Северна Кореја уништи делови од нејзините патишта што ја поврзуваа со Јужна Кореја, објави Здружениот штаб на армијата на Јужна Кореја (ЈКС). денес пренесува Ројтерс.
Минатата недела севернокорејската војска објави план за „целосно одвојување“ на севернокорејската територија од Јужна Кореја, велејќи дека ја известила американската војска за потегот за да „спречи какво било погрешно толкување и случајни судири“.
Двете Кореи се поврзани со патишта и железници долж линијата Ѓеонгги, која го поврзува јужнокорејскиот пограничен град Пају со севернокорејскиот Каесонг и линијата Донгхај долж источниот брег, објави новинската агенција Јонхап.
Овој потег доаѓа откако Северна Кореја ги ескалира меѓукорејските тензии откако нејзиниот лидер Ким Џонг-ун на крајот од минатата година ги дефинираше двете Кореи како „две непријателски држави“, преземајќи чекори за уништување на меѓукорејските копнени патишта.
Оттогаш, Северна Кореја ги отстрани уличните светилки и постави мини долж својата страна од линиите Ѓеонгги и Донги и распореди војници да изградат противтенковски бариери и да ја зајакнат оградата од бодликава жица на својата страна од Демилитаризираната зона што ги дели двете земји.
Тензиите дополнително се зголемија откако Северна Кореја соопшти дека јужнокорејската војска три пати овој месец испратила дронови над Пјонгјанг.
Ким Јо Јонг, влијателната сестра на севернокорејскиот лидер, предупреди на „страшна катастрофа“ доколку повторно бидат откриени јужнокорејски беспилотни летала над Пјонгјанг.