Во артилерискиот напад на израелската армија врз центарот за дистрибуција на храна во бегалскиот камп Џабалија, на северот од Појасот Газа, загинаа десет Палестинци, а десетици се повредени, јавува Anadolu Agency.
Според очевидци, израелската артилерија пукала врз десетици Палестинци, главно жени и постари лица, кои чекале пред центарот во Џабалија за да добијат брашно и други намирници.
Здравствени извори наведуваат дека во нападот загинале најмалку десет лица, а десетици се повредени.
Израелската армија, која го држи под строга блокада бегалскиот камп Џабалија и многу други области во северниот дел на Газа, не дозволи екипите за прва помош да стигнат до загинатите и ранетите во регионот.
Веќе десетина дена израелската армија продолжува со интензивните напади врз бегалскиот камп Џабалија, Беит Лахиа и Беит Ханун на северот од Појасот Газа.